საქართველოს პრეზიდენტის მრჩეველმა ნინო კალანდაძემ დღეს განცხადება გააკეთა და ვენეციის კომისიის იმ რეკომენდაციებს გამოეხმაურა, რომლებიც ორგანიზაციამ კანონმდებლებს „საერთო სასამართლოების შესახებ ორგანულ კანონში“ შესატან ცვლილებებთან დაკავშირებით მისცა.

„მივესალმებით, რომ ვენეციის კომისიამ მხარი დაუჭირა სასამართლოს დამოუკიდებლობასა და მის საქმიანობაში ჩაურევლობას. იმედს გამოვთქვამთ, რომ საქართველოს პარლამენტი გაიზიარებს ამ პოზიციას და არ მიიღებს ისეთ გადაწყვეტილებას, რომელიც ჩვენს ქვეყანას  დააშორებს ევროპულ სამართლებრივ პრინციპებს“, - განაცხადა ნინო კალანდაძემ.