პრეზიდენტის ინიციატივით, შექმნილია სპეციალური ჯგუფი, რომელმაც მიხეილ სააკაშვილის დავალებით დაიწყო მუშაობა იერუსალიმის ჯვრის მონასტრის საქართველოსთვის დაბრუნების საკითხზე. ამ ინიციატივის შესახებ ქვეყნის პირველმა პირმა დღეს გორის აკადემიაში კადეტებთან მიმართვისას განაცხადა: "რამდენიმე დღის წინ შევქმენი ჯგუფი,  რომელიც იმუშავებს იერუსალიმის ჯვრის მონასტრის დაბრუნებაზე ქართული სახელმწიფოსთვის. ყველას მოვუწედებთ, გვერდზე დაგვიდგეს ამ ამბავში. მადლობელი ვართ ისრაელის  სახელმწიფოსი, რომელიც თანამშრომლობაზე მზადყოფნას გამოთქვამს . წელს იწყება ოშკისა და სხვა ქართული ძეგლების თურქეთის ტერიტორიაზე აღდგენა თურქეთის მთავრობასთან მოლაპარაკების ფარგლებში", - განაცხადა საქართველოს პრეზიდენტმა.