საქართველოს ორდღიანი ვიზიტით მოლდოვას პრეზიდენტის მოვალეობის შემსრულებელი მიხაი გიმპუ ესტუმრა. მიხაი გიმპუ პირისპირ შეხვდა საქართველოს პრეზიდენტს მიხეილ სააკაშვილს.  შეხვედრის დასრულების შემდეგ მიხეილ სააკაშვილი და მიხაი გიმპუ ცნობილი ბრიტანელი მომღერლის კრის დე ბურგის კონცერტს დაესწრნენ, რომელიც ბათუმის ახალ ბულვარში გაიმართა.

საქართველოს პრეზიდენტთან ერთად მოლდოვას ლიდერი ანაკლიის ბანაკსაც მოინახულებს, სადაც წყალდიდობით დაზარალებული რაიონებიდან 120 მოლდაველი ბავშვი ისვენებს.