დღეს პრეზიდენტის სასახლეში მიხეილ სააკაშვილისა და აშშ-ის სახელმწიფო მდივნის მოადგილის პოლიტიკურ საკითხებში უილიამ ბერნსის  შეხვედრა გაიმართა. მხარეებმა, საქართველოსა და ამერიკის შეერთებული შტატების ორმხრივ ურთიერთობებსა და სტრატეგიული პარტნიორობის ქარტიის ფარგლებში, თანამშრომლობის გაღრმავების საკითხები  განიხილეს. საუბარი შეეხო ქვეყანაში გატარებული დემოკრატიული და ეკონომიკური რეფორმების მნიშვნელობას. უილიამ ბერნსმა ამერიკის მთვრობის სახელით საქართველოს პრეზიდენტს აისაფის პროგრამაში მონაწილეობისთვის მადლობა  გადაუხადა. აშშ-ის სახელმწიფო მდივნის მოადგილემ განსაკუთრებით აღნიშნა ქართველ ჯარისკაცთა მამაცობა.  წარმატებული მისიისთვის ქართველ ხალხსა და ჯარისკაცების ოჯახებსაც მადლობა გადაუხადა და პროფესიულ საქმიანობაში წარმატებები უსურვა.