საქართველოს პრეზიდენტმა თურქეთის რესპუბლიკასა და საქართველოს შორის ურთიერთობების გაღრმავების საქმეში შეტანილი განსაკუთრებული წვლილისა და ნაყოფიერი დიპლომატიური მოღვაწეობისთვის თურქეთის საგანგებო და სრულუფლებიანი ელჩი ლევენთ მურათ ბურჰანი ბრწყინვალების საპრეზიდენტო ორდენით დააჯილდოვა. მიხეილ სააკაშვილმა თურქეთის ელჩს მადლობა გადაუხადა გაწეული საქმიანობისთვის და აღნიშნა, რომ მას დიდი წვლილი მიუძღვის ორი ქვეყნის მეგობრული ურთიერთობის და თანამშრომლობის გაღრმავების საკითხებში.