ქურთაში მყოფი საქართველოს პრეზიდენტი მიხეილ სააკაშვილი ქვეყნის მინისტრთა კაბინეტში განხორციელებულ საკადრო ცვლილებებს გამოეხმაურა და ეს ფაქტი განახლების აუცილებლობით ახსნა.

საქართველოს პრეზიდენტის განცხადებით, საქართველოს მთავრობა ერთიანი და სტაბილური გუნდია, რომელიც შედეგზეა ორიენტირებული და ამ გუდის ყველა წევრი მუშაობის შედეგების მიხედვით წახალისდება ან დაისჯება.

მიხეილ სააკაშვილის თქმით, მთავრობის ყველა წევრის მუშაობაზე მუდმივი კონტროლი ხორციელდება და კონკრეტული პირების წარმატებებისა თუ ნაკლებ ეფექტური მუშაობის მიხედვით საკადრო გადაადგილებები კვლავაც გაგრძელდება.

„საქართველოს მთავრობა არის ერთიანი, სტაბილური გუნდი, რომელიც ერთი ხმით საუბრობს, ახორციელებს ერთ პოლიტიკას, ამიტომ არის საქართველო წარმატებული. ეს არის რეზულტატზე ორიენტირებული გუნდი"- განაცხადა საქართველოს პრეზიდენტმა.

საქართველოს პრეზიდენტის
ადმინისტრაციის პრესსამსახური