საქართველოს პრეზიდენტი სეულში ბირთვული უსაფრთხოების სამიტსა და პლენარულ სესიაში იღებს მონაწილეობას. სამიტის ფარგლებში, მიხეილ სააკაშვილმა ორმხრივი შეხვედრები გამართა. ოფიციალური სადილის დაწყებამდე, საქართველოს პირველი პირი პირისპირ ესაუბრა შეერთებული შტატების პრეზიდენტ ბარაკ ობამას, ევროსაბჭოს პრეზიდენტს ჰერმან ვან რომპეის, ფინეთის პრეზიდენტს და შვედეთისა და გერმანიის საგარეო საქმეთა მინისტრებს, თურქეთის პრემიერ-მინიტრს რეჯეფ თაიფ ერდოღანს, ასევე ნორვეგიისა და ტაილანდის პრემიერ-მინისტრებს. 

სამხრეთ კორეის დედაქალაქში ბირთვული უსაფრთხოების სამიტში მონაწილე ლიდერები და ხელმძღვანელი პირები 53 ქვეყნიდან შეიკრიბა.