საქართველოს პრეზიდენტი მიხეილ სააკაშვილი მეუღლესთან სანდრა ელისაბეტ რულოვსთან ერთად, ვენაში ავსტრია-უნგრეთის უკანასკნელი იმპერატორის უფროსი ვაჟის ოტო ჰაბსბურგ-ლოტრინგენის დაკრძალვის ცერემონიალს დაესწრო.

მონარქის შთამომავალს საქართველოსთან ბევრი რამ აკავშირებდა. 30-იან წლებში, ესპანეთის სამოქალაქო ომში იგი ქართველ ოფიცრებთან ერთად ებრძოდა კომუნისტებს. ოტო ჰაბსბურგ-ლოტრინგენის 2008 წელს საქართველოს პრეზიდენტის მოწვევით  სტუმრობდა. ამავე წლის 1 სექტემბერს მიუნჰენში გამართულ სოლიდარობის აქციაზე - ცოცხალ ჯაჭვში ქალიშვილთან ერთად იდგა. საქართველოს მხარდამჭერ დოკუმენტს, რომელიც ევროკავშირმა 2010 წელს მიიღო, ხელი ოტო ჰაბსბურგმაც მოაწერა.

მისი ქალიშვილი გაბრიელა ჰაბსბურგ-ლოტრინგენი საქართველოს მოქალაქე გახდა,   ამჟამად, კი საქართველოს საგანგებო და სრულუფლებიანი ელჩია გერმანიის ფედერაციულ რესპუბლიკაში.

ავსტრია-უნგრეთის უკანასკნელი იმპერატორის ვაჟის დაკრძალვის ცერემონიალი ვენის წმინდა სტეფანეს საკათედრო ტაძარში გაიმართა.