საქართველოს პრეზიდენტმა მიხეილ სააკაშვილმა დიდი ქართველი პოეტის მუხრან მაჭავარიანის გარდაცვალების გამო მწუხარება გამოთქვა და აღნიშნა, რომ საქართველომ, ქართულმა საზოგადოებამ და, ზოგადად, ქართულმა კულტურამ უდიდესი დანაკარგი განიცადა.

"პირადად ჩემთვის ეს ძალზე დიდი დარტყმაა. რამდენიმე თვის წინათ ხანგრძლივი საუბარი მქონდა ბატონ მუხრანთან და ეს დაუვიწყარი გამოცდილება იყო ჩემს ცხოვრებაში. მისი შემოქმედება მნიშვნელოვანი საგანძური იქნება მრავალი თაობისთვის”, - განაცხადა საქართველოს პრეზიდენტმა.