რელიზები
21.10.2005
მიხეილ სააკაშვილი ლაგოდეხის რაიონში კოსტა ხეთაგუროვის ძეგლის გასხნის ცერემონიას დაესწრო
საქართველოს პრეზიდენტი მიხეილ სააკაშვილი კახეთში, ლაგოდეხის რაიონის სოფელ არეშ-ფერონში ოსი მწერლის კოსტა ხეთაგუროვის ძეგლის გასხნის ცერემონიალზე დასასწრებად გაემგზავრა. ძეგლის გახსნამდე საქართველოს პრეზიდენტი გურჯაანის რაიონის სოფელ ჩალაუბანში რთველის დასრულებას დაესწრო, სადაც მან რაიონის რწმუნებულთან, პეტრე ცისკარიშვილთან ერთად ვენახები მოინახულა, გლეხებთან ერთად ყურძენი დაკრიფა და წლევანდელ მოსავალზე ისაუბრა. „ მე მაქვს პატივი, რომ წლევანდელი რთველის ერთ-ერთი ბოლო მტევანი თვითონ მოვჭრა, 2003 წელთან შედარებით ყურძნის ჩაბარება გაიზარდა"-განაცხადა საქართველოს პრეზიდენტმა.
საქართველოს პრეზიდენტის
ადმინისტრაციის მასმედიასთან და
საზოგადოებასთან ურთიერთობის სამსახური