საქართველოს პრეზიდენტი დღეს აზერბაიჯანის რესპუბლიკის საგარეო საქმეთა მინისტრს შეხვდა. საუბრისას, მიხეილ სააკაშვილმა და ელმარ მამედიაროვმა ორ ქვეყანას შორის პოლიტიკური, ეკონომიკური და კულტურული თანამშრომლობის  ფართო სპექტრი, მათ შორის რეგიონული და საერთაშორისო საკითხები განიხილეს. შეხვედრის ერთ-ერთი მთავარი თემა ის ეკონომიკური და რეგიონალური პროექტები იყო, რომლებსაც საქართველო და აზერბაიჯანი ერთობლივად ახორციელებს.

აზერბაიჯანის საგარეო საქმეთა მინისტრი საქართველოში ორდღიანი ვიზიტით იმყოფება, რომლის ფარგლებში, იგი ქართველ კოლეგას, პრემიერ-მინისტრს და პარლამენტის თავმჯდომარეს შეხვდა.