მიხეილ სააკაშვილი იტალიის პრეზიდენტის პირადი მოწვევით, მონაწილეობას მიიღებს იტალიის რესპუბლიკის გაერთიანების 150 წლის იუბილესთან დაკავშირებით დაგეგმილ საზეიმო ღონისძიებებში. ჯორჯო ნაპოლიტანოს მოწვევით იტალიაში თავს მოიყრიან სხვადასხვა ქვეყნის პირველი პირები. რომში ვიზიტის ფარგლებში საქართველოს პრეზიდენტი იტალიის გაერთიანების 150 წლისთავისადმი მიძღვნილ აღლუმს დაესწრება.

საქართველოს პრეზიდენტი, ასევე, ორმხრივ შეხვედრებს გამართავს მსოფლიოს სხვადასხვა სახელმწიფოთა ლიდერებთან. დაგეგმილია შეხვედრა ამერიკის შეერთებული შტატების ვიცე-პრეზიდენტთან ჯო ბაიდენთან.