საქართველოს პრეზიდენტი მიხეილ სააკაშვილი მიუნხენის 47-ე კონფერენციის მონაწილეებს 6 თებერვალს სიტყვით მიმართავს. კონფრენციის ფარგლებში, იგი შეხვედრებს გამართავს გერმანიის კანცლერ ანგელა მერკელთან და შვეიცარიის პრეზიდენტთან მიშელინ კალმი-რეისთან. მიუნხენის კონფერენცია უსაფრთხოების საკითხებზე 4-6 თებერვალს გაიმართება. პრეზიდენტის ვიზიტის განმავლობაში, ასევე იგეგმება სხვა ორმხრივი შეხვედრები.

კონფერენციის მთავარი თემებია საერთაშორისო უსაფრთხოების პრობლემები, რეგიონული განხეთქილებები და უსაფრთხოების ზომები; უსაფრთხოების პოლიტიკის პროექტები ასევე მოიცავს კიბერნეტიკულ უსაფრთხოებას, სტრატეგიულ აზროვნებას და რესურსების უსაფრთხოებას.

კონფერენციაზე მიწვეულია 350 მაღალი დონის სტუმარი (ქვეყნის პრეზიდენტები, პრემიერ-მინისტრები, საგარეო საქმეთა და თავდაცვის მინისტრები) 150 ქვეყნიდან.