საქართველოს პრეზიდენტის პრესსპიკერმა დღეს ბრიფინგი გამართა და იმასთან დაკავშირებით, რომ ქვეყნის უმაღლეს საკანონმდებლო ორგანოში საქართველოს პრეზიდენტის ყოველწლიური ანგარიშის მოსმენაზე უმრავლესობამ უარი თქვა, განცხადება გააკეთა. 

„იმის გათვალისწინებით, რომ პრემიერ-მინისტრის მოთხოვნით, უმრავლესობამ უარი განაცხადა პარლამენტში საქართველოს პრეზიდენტის კონსტიტუციით გათვალისწინებული ყოველწლიური ანგარიშის მოსმენაზე, მიხეილ სააკაშვილმა მიიღო გადაწყვეტილება საზოგადოებას ხვალ ეროვნული ბიბლიოთეკიდან მიმართოს“, - განაცხადა პრეზიდენტის პრესსპიკერმა.

როგორც მანანა მანჯგალაძემ აღნიშნა, ქვეყნის პირველი პირი საზოგადოებას იმავე ტექსტით მიმართავს, რომლითაც იგი დეპუტატთა წინაშე უნდა წარმდგარიყო.