მიხეილ სააკაშვილმა ნიუ იორკში დღეს ყირგიზეთის გარდამავალი მთავრობის პრეზიდენტთან როზა ოტუნბაევასთან გამართა შეხვედრა. საუბარი ორი ქვეყნის სამომავლო ურთიერთობებს შეეხო. საქართველოს პრეზიდენტი ყირგიზეთში არსებული ვითარებითაც დაინტერესდა.

საქართველოს პრეზიდენტი მიხეილ სააკაშვილი ამერიკის შეერთებულ შტატებში ვიზიტს განაგრძობს. ქვეყნის პირველი პირი გაეროს 65-ე ასამბლეაზე საგანგებოდ ჩასულ სახელმწიფოთა მეთაურებს ხვდება და როგორც ორმხრივი, ისე მრავალმხრივი თანამშრომლობის შესახებ აწარმოებს მოლაპარაკებებს.