წუხელ,  გვიან  ღამით საქართველოს პრეზიდენტსა და  შეერთებული შტატების  ვიცე-პრეზიდენტს შორის სატელეფონო საუბარი გაიმართა. მიხეილ სააკაშვილმა  და  ჯოზეფ ბაიდენმა ყურადღება გაამახვილეს ქვეყნებს შორის ორმხრივი სტრატეგიული თანამშრომლობის საკითხებზე.  

შეერთებული შტატების ვიცე-პრეზიდენტი, ასევე, შეეხო ჟენევაში  წარმატებით დასრულებული მოლაპარაკების საკითხს, რუსეთის მსოფლიო სავაჭარო ორგანიზაციაში  გაწევრიანების თაობაზე. ჯოზეფ ბაიდენმა პროცესი დადებითად შეაფასა და აღნიშნა, რომ ეს საქართველოს მიღწევა და წინგადადგმული ნაბიჯია.

ვიცე-პრეზიდენტმა დაადასტურა აშშ-ის ურყევი მხარდაჭერა საქართველოს ტერიტორიული მთლიანობისა და სუვერენიტეტის მიმართ და ნატოს საბჭოს თბილისში გამართვას მნიშვნელოვანი პოლიტიკური სიმბოლო უწოდა.  

ჯოზეფ ბაიდენმა საქართველოს პრეზიდენტს აქტიური თანამშრომლობისთვის მადლობა გადაუხადა.