საქართველოს პრეზიდენტი კარალეთში დღეს ოლიმპიური ჩემპიონის  ოჯახს ესტუმრა. ლაშა შავდათუაშვილის მშობლებს მიხეილ სააკაშვილმა შვილის წარმატება მიულოცა. თავად ოლიმპიურ ჩემპიონს კი, რომელიც ლონდონში იმყოფება, ქვეყნის პირველი პირი ტელეფონით ესაუბრა.

„მართლაც მაგარი ბიჭია ლაშა, გულწრფელი, შრომისმოყვარე და მებრძოლი... ძალიან კარგ განწყობა შეუქმნა ხალხს. თქვენი კომენტარი მოვისმინე, რომ როცა გვბომბავდნენ მაშინაც ვარჯიშობდაო. აი ეს არის ბრძოლისუნარიანობა. ახლა მთავარია, არ ჩათვალოს, რომ ძალიან ბევრს მიაღწია და ვარჯიში განაგრძოს“, - განაცხადა მიხეილ სააკაშვილმა მათთან საუბრისას.

ლაშა შავდათუაშვილის ოჯახის წევრებმა მიხეილ სააკაშვილს მადლობა გადაუხადეს იმ დახმარებისა და თანადგომისთვის, რომელსაც სახელმწიფო სპორტსმენებს უწევს.