საქართველოს პრეზიდენტი ბაგრატის ტაძრის კურთხევას დაესწრო და იქ შეკრებილ საზოგადოებას სიტყვით მიმართა. უპირველესად, მან მადლობა გადაუხადა სრულიად საქართველოს კათალიკოს პატრიარქს, მის უწმინდესობასა და უნეტარესობას ილია მეორეს როგორც ბაგრატის ტაძრის აღდგენის, ისე, ზოგადად, ტაძრების აღდგენა-აშენების ინიციატივისთვის. ქვეყნის პირველი პირის განცხადებით, ეს არის ტაძრების აღორძინების პერიოდი - „ტაძრების, არა მხოლოდ როგორც შენობების, არამედ როგორც საგანმანათლებლო ცენტრებისა“. მიხეილ სააკაშვილმა ხაზგასმით აღნიშნა ილია მეორის განსაკუთრებული წვლილი ქართული პატრიოტიზმისა და სულისკვეთების გაღვივების საქმეში.