მიხეილ სააკაშვილმა საქართველოს ელჩებსა და დიპლომატიური მისიების ხელმძღვანელებს დღეს პრეზიდენტის სასახლეში უმასპინძლა. შეხვედრისას, საქართველოს საგარეო პოლიტიკის აქტუალური საკითხები განიხილეს და საზღვარგარეთ საქართველოს დიპლომატიური მისიების შემდგომი საქმიანობის ძირითადი მიმართულებები განსაზღვრეს. ამას გარდა, საუბარი შეეხო საქართველოს ევროპულ და ევრო-ატლანტიკურ სტრუქტურებში ინტეგრაციის პერსპექტივასა და ქვეყანაში ინვესტიციების გაზრდის შესაძლებლობას. შეხვედრის მონაწილეებმა უსაფრთხოების საკითხებსა და საქართველოს ოკუპირებულ ტერიტორიებზე შექმნილ ვითარებაზეც იმსჯელეს.

პრეზიდენტთან ვიზიტამდე, ელჩები საქართველოს მთავრობის წევრებსაც შეხვდნენ, რომლებმაც დიპლომატებს საკუთარ უწყებებში განხორციელებული რეფორმების  მიმდინარეობა და შედეგები გააცნეს.