დღეს საქართველოს პრეზიდენტმა მიხეილ სააკაშვილმა ყაზახეთის პრეზიდენტ ნურსულთან ნაზარბაევთან ერთად სასტუმრო „ივერიის" და რესპუბლიკის მოედნის კომპლექსის მშენებლობას საფუძველი ჩაუყარა. საქართველოს პრეზიდენტის თქმით, ეს არის ყველაზე სერიოზული ყაზახური ინვესტიცია საქართველოში, რომელსაც ყაზახური ბანკი"ტურან ალემი" ახორციელებს. „ის კომპლექსი, რისი გაკეთებაც ამ მოედანზე იგეგმება, საქართველოს ტრანსფორმაციის ნიმუში გახდება", - განაცხადა საქართველოს პრეზიდენტმა.

საქართველოს პრეზიდენტის
ადმინისტრაციის მასმედიასთან და
საზოგადოებასთან ურთიერთობის სამსახური