ძვირფასებო, სანამ ბათუმში შადრევანი ამოქმედდება, მინდა კიდევ ერთხელ მადლობა გადაგიხადოთ იმისათვის, რაც თქვენ დღეს მთელ საქართველოს დაანახეთ.

ჩვენ ერთიანები, ოპტიმისტები, მებრძოლი სულის ადამიანები და ქვეყნის ღირსეული შვილები ვართ.

მსურს, რომ თქვენ ცხინვალელი და აფხაზი თანატოლებიც შემოგიერთდნენ. მე მათ თქვენი სახელით მივმართავ - გეყოთ ავტომატის სამიზნეში ყურება, ჩაებით ერთიანი, დემოკრატიული, თავისუფალი და მშვიდობიანი საქართველოს მშენებლობის ფერხულში.

ბათუმში, რომელიც ისეთივე დამონებული იყო, როგორც საქართველოს ორი დარჩენილი რეგიონი, მთელი ზაფხულის განმავლობაში აღმშენებლობითი სამუშაოები მიმდინარეობდა.

დღეს ბათუმში შეკრებილია ხალხი, ჩვენი თანამოქალაქეები, რომლებიც ევროპაში ერთ-ერთ თანამედროვე შადრევანს ხსნიან, როგორც განახლებისა და სილამაზის სიმბოლოს, რაც თავისუფლებამ, დემოკრატიამ და ახალმა ეპოქამ მოიტანა.

საქართველოს პრეზიდენტის
ადმინისტრაციის მასმედიასთან და
საზოგადოებასთან ურთიერთობის სამსახური