სიახლეები
18.10.2012
საქართველოს პრეზიდენტი ქვეყანაში გვიან ღამით დაბრუნდება
მიხეილ სააკაშვილმა ბუქარესტიდან საქართველოში დაბრუნება დაგეგმილ დროს ვერ შეძლო. თვითმფრინავის აფრენიდან 10 წუთში ბორტმა ბუქარესტის აეროპორტში იძულებითი დაშვება განახორციელა. ამის მიზეზი თვითმფრინავის ტექნიკური ხარვეზი, კერძოდ, შასისთან დაკავშირებული პრობლემა გახდა.
თვითმფრინავის ტექნიკური დათვალიერება ამ წუთებშიც მიმდინარეობს. პრეზიდენტი საქართველოში დაბრუნებას გვიან ღამით გეგმავს.