საქართველოს პრეზიდენტი მიხეილ სააკაშვილი ნიუ იორკში პირისპირ შეხვდა ლიტვის რესპუბლიკის პრეზიდენტს დალია გრიბაუსკაიტეს. ლიტვის პირველმა პირმა შეხვედრის დაწყებისთანავე აღნიშნა, რომ ლიტვა მხარს უჭერს საქართველოს სუვერენიტეტსა და ტერიტორიულ მთლიანობას. მან ყურადღება გაამახვილა იმ საკითხზეც, რომ მისი ქვეყანა მზადაა კვლავაც განაგრძოს ჩვენი ქვეყნის მხარდაჭერა საქართველოს ევროატლანტიკური და ევროკავშირის სტრუქტურებში ინტეგრაციის პროცესში.

საუბარი ასევე შეეხო საქართველოში არსებული კონფლიქტების მშვიდობიანი გზით მოგვარების საკითხს, რომელიც საქართველოს მიერ არის შემუშავებული და რომელსაც ჩვენი ქვეყნისთვის სტრატეგიული მნიშვნელობა აქვს.