საქართველოს პრეზიდენტმა კულტურისა და მეცნიერების მოღვაწეები შოთა რუსთაველისა და ეროვნული პრემიებით დააჯილდოვა.
მიხეილ სააკაშვილმა კულტურის სფეროს წარმომადგენლები ავლაბარში, პრეზიდენტის სასახლეში მიიღო.
რუსთაველის პრემია კულტურის სამმა მოღვაწემ - ვახტანგ კახიძემ, ლილი იოსელიანმა და კახი კავსაძემ მიიღო,  ხოლო ეროვნული პრემია ოც მეცნიერს გადაეცა.
"მიუხედავად ძალიან რთული სიტუაციისა, ძალიან დიდი მატერიალური გაჭირვებისა და სამწუხაროდ ხშირად ნაკლებად დაფასებისა, ქართველი მეცნიერები და კულტურის მოღვაწეები დღესაც ქმნიან ახალ ნამუშევრებს და ქართული საგანძურის შევსებით მსოფლიო საგანძურს ავსებენ"- განაცხადა მიხეილ სააკაშვილმა.