საქართველოს პრეზიდენტმა მიხეილ სააკაშვილმა ქარვასლაში ნორჩ მეცნიერთა და გამომგონებელთა ნამუშევრები დაათვალიერა. კონკრუსში 108 ბავშვი მონაწილეობდა, სულ კი, 92 პროექტი იყო წარმოდგენილი. პრეზიდენტმა გამარჯვებულებს მედლები და სიგელები გადასცა. კონკურსის ერთ-ერთი ორგანიზატორი - განათლების სამინისტრო, რვა გამარჯვებული ბავშვისთვის 1500 ლარიანი გრანტის გამოყოფას აპირებს. განათლების სამინისტროსთან ერთად, კონკურსის ორგანიზატორები თბილისის მასწავლებელთა დახელოვნების ინსტიტუტი და „ჩაღლარის" საგანმანათლებლო დაწესებულებაა. პრეზიდენტმა კონკურსის ერთ-ერთი გამარჯვებული საკუთარი სამკერდე ნიშნით დააჯილდოვა.

საქართველოს პრეზიდენტის
ადმინისტრაციის მასმედიასთან და
საზოგადოებასთან ურთიერთობის სამსახური