საქართველოს პრეზიდენტისა და აშშ-ის სახელმწიფო მდივნის თავმჯდომარეობით, შეხვედრა გაფართოებული შემადგენლობით გაიმართა. მხარეებმა ხაზგასმით აღნიშნეს, რომ ორ ქვეყანას შორის ურთიერთობა კიდევ უფრო უნდა გაღრმავდეს. შეხვედრისას,  ქვეყნის უსაფრთხოებისა და თავდაცვისუნარიანობის საკითხებიც განიხილეს და რეგიონში არსებული  ვითარებაც  მიმოიხილეს. მათ პოლიტიკური, სოციალური, ეკონომიკისა და განათლების სფეროებში მიმდინარე ცვლილებებზეც ისაუბრეს და ამ მხრივ დაგეგმილ სამომავლო პროექტებზეც იმსჯელეს. შეხვედრისას, განსაკუთრებით აღინიშნა ის ფაქტი, რომ საქართველომ საერთაშორისო ორგანიზაციებსა და ევროკავშირის ქვეყნებს არჩევნებამდე 7 თვით ადრე მოსთხოვა დამკვირვებლების გამოგზავნა.