საქართველოს პრეზიდენტი დღეს მასმედიის წარმომადგენლებს შეხვდა და მათ შეკითხვებს უპასუხა. მიხეილ სააკშვილი ქვეყნის ყოფილი პრემიერ-მინისტრის ვანო მერაბიშვილისა და კახეთის გუბერნატორის ზურაბ ჭიაბერაშვილის დაკავების საკითხს გამოეხმაურა. მისი განცხადებით, მთავრობა უნდა დაფიქრდეს, რომ მსგავსი ქმედებებით საქართველო არასასურველ შედეგს მოიმკის და დააზარალებს როგორც მის პრესტიჟს, ისე ქვეყნის გრძელვადიან პერსპექტივას. ამას გარდა, ქვეყნის პირველმა პირმა ბოლო საერთაშორისო აქტიურობასთან დაკავშირებით ისაუბრა და ამ მხრივ, ყურადღება ოკუპირებული ტერიტორიების არაღიარების პოლიტიკას დაუთმო.