დღეს საქართველოს პრეზიდენტსა და აშშ-ის სახელმწიფო მდივნის თანაშემწეს ფილიპ გორდონს შორის შეხვედრა გაიმართა. საუბრის მთავარი თემა ორ ქვეყანას შორის არსებული და სამომავლო ურთიერთობები, ჩრდილოატლანტიკურ ალიანსში გაწევრიანების პროცესი და მიმდინარე პოლიტიკური მოვლენები იყო.

პრეზიდენტთან გამართული შეხვედრის შემდეგ აშშ-ის სახელმწიფო მდივნის თანაშემწემ საქართველო დატოვა. შეხვედრას ამერიკის შეერთებული შტატების ელჩი რიჩარდ ნორლანდი და  საქართველოს უშიშროების საბჭოს მდივანი გიგა ბოკერია ესწრებოდა.