საქართველოს პრეზიდენტი საპარლამენტო უმრავლესობის წარმომადგენლებს პრეზიდენტის სასახლეში შეხვდა. მიხეილ სააკაშვილმა უმრავლესობის წევრებთან გამართულ დღევანდელ შეხვედრაზე ქვეყნის საშინაო და საგარეო საკითხებზე ისაუბრა.

შეხვედრაზე ქვეყანაში არსებულ ეკონომიკურ ვითარებაზე, ეკონომიკისა და ბიზნესის ლიბერალიზაციის კიდევ უფრო მეტ ხელშეწყობაზე ისაუბრეს, ასევე განიხილეს ნატოსთან და ევროკავშირთან ურთიერთობები და სავიზო რეჟიმის გამარტივებასთან დაკავშირებით მიმდინარე მოლაპარაკებები. უმრავლეოსობამ პრეზიდენტთან ოკუპირებულ რეგიონებში არსებულ ვითარებაზეც იმსჯელა.

მმართველი გუნდისა და პრეზიდენტ მიხეილ სააკაშვილის დღევანდელ შეხვედრაზე თვითმმართველობის მომავალ არჩევნებთან დაკავშირებითაც ისაუბრეს.

საქართველოს პრეზიდენტის
ადმინისტრაციის პრესამსახური