რელიზები
30.08.2010
საქართველოს პრეზიდენტმა სესნას ტიპის თვიმფრინავით შავი ზღვის სანაპირო ზოლი დაათვალიერა
საქართველოს პრეზიდენტმა მიხეილ სააკაშვილმა დღეს სესნას ტიპის თვიმფრინავით შავი ზღვის სანაპირო ზოლი, კერძოდ, ბათუმის ბულვარის განვითარების ახალი ადგილები დაათვალიერა. თვითმფრინავს თავად პრეზიდენტი მართავდა და მასთან ერთად, აჭარის მთავრობის თავმჯდომარე ლევან ვარშალომიძე იმყოფებოდა. მიხეილ სააკაშვილის თქმით, მშენებლობისა და რეკონსტრუქციის დასრულების შემდეგ, ბათუმის ბულვარი დაახლოებით 20 კმ-ზე გადაიჭიმება. პრეზიდენტმა განსაკუთრებულად აღნიშნა, რომ საქაერონავიგაციის ბათუმის ცენტრის ავიადისპეტჩერების მუშაობით, კმაყოფილი დარჩა.
"ბათუმში ძალიან კარგი დისპეტჩერები არიან. ისინი თავისუფლად ლაპარაკობენ ინგლისურ ენაზე. ამაში მაშინ დავრწმუნდი, როდესაც პირველად შევხვდი მათ, მაგრამ პრაკტიკაში ბევრად უფრო კარგები არიან", - განაცხადა მიხეილ სააკაშვილმა.