"ეს ახალი სასტუმრო ხულოელმა, ხოლო მეორე კი - შუახეველმა ააშენა. ამას იმათ გასაგონად ვამბობ, ვინც ცდილობს ხალხი დაარწმუნოს, რომ საქართველოში ყველაფერს უცხოელები დაეპატრონენ. მაგალითად, ეს სასტუმრო კრედიტით აშენდა და ამ კრედიტის ფულს ადგილობრივი მფლობელი ზუსტად 2 წელიწადში ამოიღებს. ამას გარდა,   სარგებელს კერძო ბინების მესაკუთრეებიც მიიღებენ, რადგანაც სახელმწიფო მთლიანად აგვარებს შიდა კომუნიკაციების პრობლემას. ყველგან იქნება გარე განათება, კეთილმოეწყობა შიდა ეზოები, შესაბამისად, ხალხს გაუჩნდება შესაძლებლობა, ისარგებლოს შექმნილი ტურისტული ბუმით, რომლის მსგავსი ისტორიას არ ახსოვს. მთავარი არსი იმისა, რაც ქვეყანაში კეთდება, ხალხის პირად კეთილდღეობასა და მატერიალურ მდგომარეობაზე უნდა აისახოს", - განაცხადა მიხეილ სააკაშვილმა. 

ბათუმში ახლადაშენებული სასტუმროები უკვე ამოქმედდა და პირველ დამსვენებლებსაც იღებს. ყოფილი საზღვაო ადმინისტრაციის შენობის რეკონსტრუქციის შემდეგ,  ბუტიკის ტიპის სასტუმრო "World Batumi" 30-ნომრიანია, ხოლო გრიბოედოვისა და გორგასლის ქუჩების გადაკვეთაზე 14-სართულიან სასტუმროში "აისი" რვა კლასის შესაბამისი 38 ნომერია განთავსებული. ორივე პროექტი ქართული ინვესტიციით აშენდა და მთლიანად, დაახლოებით, 16 მილიონი ლარი დაიხარჯა.