რელიზები
15.05.2012
საქართველოს პრეზიდენტი ამერიკის შეერთებულ შტატებში ვიზიტს იწყებს
საქართველოს პრეზიდენტის პრესსპიკერმა ტრადიციულ ბრიფინგზე მიხეილ სააკაშვილის ამერიკის შეერთებულ შტატებში დაგეგმილი სამუშაო ვიზიტის დეტალებზე ისაუბრა.
„საქართველოს პრეზიდენტი ხვალიდან სამუშაო ვიზიტს იწყებს ამერიკის შეერთებულ შტატებში. ვიზიტის ფარგლებში, მიხეილ სააკაშვილი ეწვევა ნიუ იორკს, ლოს ანჯელესს და ჩიკაგოს. 20-21 მაისს იგი მონაწილეობას მიიღებს ჩიკაგოს ნატო-ს სამიტის მუშაობაში. ამას გარდა, პრეზიდენტი შეხვედრებს გამართავს შეერთებული შტატების პოლიტიკური და საქმიანი წრეების წარმომადგენლებთან; ასევე დაგეგმილია რამდენიმე საჯარო გამოსვლა, მათ შორის, წამყვან ამერიკულ უნივერსიტეტებში“, - განაცხადა მანანა მანჯგალაძემ.