რელიზები
08.09.2005
მიხეილ სააკაშვილმა ბათუმის მშენებარე გვირაბი დაათვალიერა
საქართველოს პრეზიდენტმა მიხეილ სააკაშვილმა ბათუმის მშენებარე გვირაბი დაათვალიერა და მას ისტორიული უწოდა.
მიხეილ სააკაშვილის თქმით, აჭარის მთელ ტერიტორიაზე ახალი ავტომაგისტრალი ევროპულ სტანდარტებს დააკმაყოფილებს. გვირაბის მშენებლობის დასრულება სექტემბრის ბოლოს იგეგმებოდა, თუმცა პრეზიდენტის მოთხოვნით ვადამ წლის ბოლომდე გადაიწია. დარჩენილია 46 მეტრის მანძილზე გვირაბის არქიტექტურული გაფორმება და გვირაბის მთელ სიგრძეზე გზის სავალი ნაწილის მოპირკეთება.
საქართველოს პრეზიდენტის
ადმინისტრაციის მასმედიასთან და
საზოგადოებასთან ურთიერთობის სამსახური