რელიზები
15.05.2005
საქართველოს პრეზიდენტი მიხეილ სააკაშვილი სასწრაფო დახმარების ახალი მანქანების პრეზენტაციას დაესწრო
საქართველოს პრეზიდენტი მიხეილ სააკაშვილი თავისუფლების მოედანზე, მერიის შენობის წინ სასწრაფო დახმარების ახალი ავტომანქანების პრეზენტაციას დაესწრო. მიხეილ სააკაშვილმა თავისუფლების მოედანზე შეკრებილ ექიმებს სიტყვით მიმართა და განაცხადა, რომ ეს უმნიშვნელოვანესი დღეა, რადგან საქართველოს უკლებლივ ყველა რეგიონში უფასო სასწრაფო დახმარება ამოქმედდება.
სოციალური დაზღვევის სახელმწიფო ფონდმა 150 მანქანა შეიძინა, ამათგან 120 ქვეყნის რეგიონებისთვისაა გათვალისწინებული.
უფასო სასწრაფო დახმარება საქართველოში 26 მაისიდან ამოქმედდება.
საქართველოს პრეზიდენტის
ადმინისტრაციის მასმედიასთან და
საზოგადოებასთან ურთიერთობის სამსახური