დღეს საქართველოს პრეზიდენტი მიხეილ სააკაშვილი ვაზისუბნის მიუსაფართა თავშესაფარს ესტუმრა. მიხეილ სააკაშვილი იქ არსებულ ვითარებას გაეცნო და განაცხადა, რომ საქართველოში საკვების პრობლემა არც ერთ ადამიანს არ უნდა ჰქონდეს. როგორც მოხუცებთან საუბრისას პრეზიდენტმა აღნიშნა, სახელმწიფო ყველაფერს გააკეთებს იმისათვის, რომ საქართველოში მშიერი ადამიანი აღარ არსებობდეს. მისი თქმით, მიმდინარე წლის დამლევამდე დედაქალაქში მიუსაფართათვის კვების პრობლემა მოგვარდება.

საქართველოს პრეზიდენტის
ადმინისტრაციის მასმედიასთან და
საზოგადოებასთან ურთიერთობის სამსახური