საქართველოს პრეზიდენტის, მიხეილ სააკაშვილის განკარგულებით, საქართველოს პრეზიდენტთან არსებული კულტურის საბჭო და საქართველოს პრეზიდენტის კულტურის ფონდი შეიქმნა, რომელიც მთელი საქართველოს მაშტაბით კულტურულ ღონისძიებებს, საერთაშორისო და ადგილობრივ ფესტივალებს დააფინანსებს. საქართველოს პრეზიდენტის კულტურის საბჭო ქვეყნის კულტურის პოლიტიკას და ამ სფეროში პრეზიდენტის ინიციატივებს განსაზღვრავს. კულტურის საბჭოს მდივნად ავთანდილ ვარსიმაშვილი დაინიშნა, საბჭოს შემადგენლობაში ასევე შედიან ანზორ ერქომაიშვილი, დავით ლორთქიფანიძე, ვახტანგ კახიძე და გიორგი მარგველაშვილი.

საქართველოს პრეზიდენტის
ადმინისტრაციის მასმედიასთან და
საზოგადოებასთან ურთიერთობის სამსახური