დღეს საქართველოს პრეზიდენტი მიხეილ სააკაშვილი პარლამენტის თავმჯდომარესთან ნინო ბურჯანაძესთან ერთად ქუთაისს ესტუმრა. პრეზიდენტმა ქალაქში მიმდინარე სარემონტო სამუშაოები, კერძოდ, გზების მშენებლობა და ფასადების ღებვის პროცესი დაათვალიერა. მიხეილ სააკაშვილი ქუთაისში მიმდინარე სარემონტო სამუშაოებით კმაყოფილი დარჩა და განაცხადა, რომ მსგავსი პროცესები კვლავ გაგრძელდება.

დღესვე საქართველოს პრეზიდენტი ქუთაისის ტორპედოს სტადიონზე საქართველოსა და ჩეხეთის ნაკრებებს შორის რაგბის მატჩს დაესწრო.

საქართველოს პრეზიდენტის
ადმინისტრაციის მასმედიასთან და
საზოგადოებასთან ურთიერთობის სამსახური