საქართველოს პრეზიდენტი მიხეილ სააკაშვილი კიევში გაემგზავრა, სადაც 22-23 მაისს დაგეგმილ სუამ-ის სამიტში მიიღებს მონაწილეობას. სამიტზე აღნიშნული ორგანიზაციის საერთაშორისო ორგანიზაციად ტრანსფორმაციის საკითხს განიხილავენ;

სუამ-ის წევრი ქვეყნების პრეზიდენტები ახალ წესდებას მიიღებენ და დეკლარაციას მოაწერენ ხელს.

სამიტზე განიხილავენ საკითხებს, რომლებიც ტერორიზმის, ორგანიზებული დანაშაულის, ნარკოტიკების ბრუნვის წინააღმდეგ ბრძოლას და ე. წ. გაყინული კონფლიქტების მოგვარებას შეეხება .

მიხეილ სააკაშვილი საქართველოში 24 მაისს დაბრუნდება.

საქართველოს პრეზიდენტის
ადმინისტრაციის მასმედიასთან და
საზოგადოებასთან ურთიერთობის სამსახური